Bakıda sərnişin avtobusu qəzaya düşdü - Yaralılar var

Bakı Nəqliyyat Agentliyinin əməkdaşları hadisə yerinə yollanıb və araşdırmalara başlanılıb.

Binəqədi-Balaxanı yolunda nəqliyyat hadisəsi baş verib.

“Qazel” markalı nəqliyyat vasitəsini daşıyan təxliyə avtomobili 108 B nömrəli müntəzəm marşrut xətti ilə hərəkət edən avtobusla toqquşub. Bakı Nəqliyyat Agentliyinin əməkdaşları hadisə yerinə yollanıb və araşdırmalara başlanılıb. Qəza zamanı avtobusun sürücüsü və bir nəfər sərnişin xəsarət alıb. İlkin məlumata görə, hadisə təxliyə avtomobili sürücüsünün dönmə əməliyyatını düzgün icra etməməsi səbəbindən baş verib.

Hadisənin dəqiq baş vermə səbəbi müvafiq qurumların araşdırmasından sonra məlum olacaq. (qafqazinfo)

AzNews.az