• Toplum
  • 30 İyul 2019 11:57
  •  386

Dənizdə batan iki gəncin meyiti tapıldı

Meyitləri dalğıc-axtarış qrupu tərəfindən sudan çıxarılıb

Sabunçuda dənizdə batan 28 yaşlı iki gəncin meyiti tapılıb.

AzNews.az FHN-ə istinadən xəbər verir ki, iyulun 28-də Bakı şəhərinin Sabunçu rayonunda, dənizdə, qeyri-çimərlik (nəzarətsiz) ərazidə batan 1991-ci il təvəllüdlü Əzizov Murad Teymur oğlunun və 1991-ci il təvəllüdlü Hacıquliyev Kamran Ağəli oğlunun axtarışları başa çatıb.

M.Əzizovun və K.Hacıquliyevin meyitləri Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu tərəfindən tapılaraq sudan çıxarılıb və aidiyyəti üzrə təhvil verilib.

AzNews.az