Keçmiş MTN zabiti öldü

Bakı Dövlət Universitetinin (BDU) Tarix fakültəsinin Avropa və Amerika ölkələrinin yeni və müasir tarixi kafedrasının dosenti Tariel Abbasov vəfat edib.

AzNews.az xəbər verir ki, bu barədə universitet məlumat yayıb.

Qeyd edək ki, Tariel Abbasov 1970-ci ildə Bakı şəhərində anadan olub. 1986-1991-ci illərdə BDU-nun Tarix fakültəsində təhsil alıb.

O, əmək fəaliyyətinə Bakının Yasamal rayonunun 20 saylı orta məktəbində tarix müəllimi kimi başlayıb. 1992-ci ildə Qərb Universitetinin hazırlıq fakültəsində, daha sonra Politologiya kafedrasında baş müəllim, İşgüzar inzibatçılıq fakültəsində dekan müavini işləyib. 1994-cü ildə Milli Təhlükəsizlik Nazirliyinə (keçmiş MTN) hərbi xidmətə qəbul olunub, 2009-cu ildə ehtiyata buraxılıb.