11 sentyabrda xilas oldu - Keniyada öldürüldü

20 saat çəkən əməliyyat nəticəsində 5 hücumçu öldürülüb

Keniyanın paytaxtı Nairobidə ifrat dindar terror örgütü Eş-Şebab lüks otelə hücum edib.

AzNews.az xəbər verir ki, hücum otelin dayanacağı və girişində bombaların partlaması ilə başlayıb. Ardınca içəri silahlı terrorislər girərək 21 nəfəri öldürüb.

20 saat çəkən əməliyyat nəticəsində 5 hücumçu öldürülüb, 700 nəfər isə xilas edilib. Polis rəisi Cozef Boinnet 50 nəfərin hələ də itkin olduğunu qeyd edib.

ABŞ-lı 40 yaşlı Ceyson Spindler Əl-Qaidə terror təşkilatının üzvü olan terroristlərin 11 sentyabr 2001-ci ildə Nyu-Yorkda yerləşən Dünya Ticarət Mərkəzinin qüllələrinə iki təyyarə ilə etdiyi hücum zamanı möcüzə nəticəsində xilas olub.

Ölən 14 nəfərdən birinin Ceyson Spindler olduğu açıqlanıb.

Pərvanə Ağazadə

AzNews.az