Bu qənaətə London Kral Kollecinin alimləri gəlib Bu qənaətə London Kral Kollecinin alimləri gəlib

Koronavirusun yeni simptomları

Bu qənaətə London Kral Kollecinin alimləri gəlib

İybilmə və dadbilmə hisslərinin yoxa çıxması koronavirusa yoluxmanın başlıca simptomlarındandır.

AzNews.az “RİA Novosti”yə istinadən xəbər verir ki, bu qənaətə London Kral Kollecinin alimləri gəlib.

Mütəxəssislərin fikrincə, bu simptomlara malik pasiyentlərin 59%-də koronavirus testinin nəticəsi pozitiv çıxıb. Üstəlik, bu, qızdırmadan fərqli olaraq daha dəqiq göstərici olub.

Araşdırmaçılar bildiriblər ki, iybilmə və dadbilmənin yoxa çıxması ilə digər simptomların uyuşması koronavirusa yoluxma ehtimalını 3 dəfə artırır. Alimlər bu cür simptomların ortaya çıxdığı andan 7 günlük özünütəcridetməyə çağırırlar.

Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 203 ölkə və bölgədə qeydə alınıb.

Dünyada koronavirus infeksiyasına indiyədək yoluxanların sayı 885 200-ü ötüb. Bunların 185 208 nəfəri sağalıb, 44 210 nəfəri isə ölüb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.