Belarusdakı etirazlarda ölənlərin sayı açıqlandı

Hazırda 158 nəfər xəstəxanalarda qalmaqdadır

Belarusun Səhiyyə naziri Vladimir Karanik ölkədə prezident seçkilərindən sonra keçirilən etiraz aksiyaları zamanı ölənlərin sayını açıqlayıb.

AzNews.az-ın məlumatına görə, bu barədə “Sputnik Belarus” xəbər verib.

Nazirliyin binası önünə toplaşan həkimlərin qarşısında çıxış edən nazir bildirib ki, etirazlar zamanı iki nəfər həlak olub.

Karanikin sözlərinə görə, hazırda 158 nəfər xəstəxanalarda qalmaqdadır.

O, həmçinin 83 nəfərin itkin düşməsi barədə məlumata malik olmadığını bildirib.