Yaponiyada güclü zəlzələ olub

Bu barədə ölkənin Meteoroloji İdarəsi məlumat yayıb

Şənbə günü Yaponiyanın şimali-şərqində 6,1 bal gücündə zəlzələ baş verib.

AzNews.az “TASS”a istinadən bildirir ki, bu barədə ölkənin Meteoroloji İdarəsi məlumat yayıb.

Yeraltı təkanların episentri Sakit okeanda, Miyaqu prefekturasının sahilində, ocağı 40 kilometr dərinlikdə yerləşib.

Dağıntı və tələfat barədə məlumat daxil olmayıb. Yeraltı təkanlar, həmçinin Tokio daxil olmaqla, ölkənin şimali-şərqində və şərqində bir sıra prefekturalarda hiss olunub.