Akopyan dövlətçiliyin və ölkənin ciddi bir təhlükə ilə üzləşdiyini deyib Akopyan dövlətçiliyin və ölkənin ciddi bir təhlükə ilə üzləşdiyini deyib

İrəvanda etirazçılar Paşinyana cinayət işinin açılmasını tələb edir

Akopyan dövlətçiliyin və ölkənin ciddi bir təhlükə ilə üzləşdiyini deyib

İrəvanda Nikol Paşinyana qarşı cinayət işi başlanmasını tələb edən aksiya keçirilib.

AzNews.az “Sputnik Ermənistan”a istinadən xəbər verir ki, Baş prokurorluğun qarşısına toplaşan etirazçılar baş nazirin kapitulyasiya aktını imzalayaraq dövlətə xəyanət etdiyini, buna görə məsuliyyətə cəlb edilməli olduğunu bildirib.

“Müharibə ilə əlaqəli bir çox sual var - niyə bütün səfərbərlik resurslarından istifadə olunmadı, generalların niyə döyüş əməliyyatlarına girməsinə icazə verilmədi, niyə bütün növ silahlar döyüşlərə cəlb olunmadı, niyə ərazilər verildi? Prokurorluq bütün suallara cavab verməlidir və cinayət işi açmalıdır, ancaq bu qurum Paşinyana xidmət etməyə davam edir”,- deyə Ermənistanın “Milli Gündəm” partiyasının lideri Ara Akopyan jurnalistlərə bildirib.

Akopyan dövlətçiliyin və ölkənin ciddi bir təhlükə ilə üzləşdiyini deyib. Onun sözlərinə görə, ölkənin və vətəndaşların taleyi ilə bağlı qərarlar digər ölkələr tərəfindən verilir.

Akopyan hesab edir ki, parlamentdə baş nazirin impiçmenti prosesini başlatmaq, eyni zamanda başqa bir baş nazir və böhran hökuməti təyin etmək lazımdır.

“O, təslim sənədini imzalayan, xalqı və ölkəni təmsil edə bilməyən məğlub baş nazirdir. Paşinyan təhlükəsizlik zəmanəti gözləyir, amma kimdən bəlli deyil. Bəlkə də xarici tərəfdaşlarından. Biz icazə verdiyimiz vaxta qədər o, hakimiyyətdə qalacaq, bu səbəbdən biz ictimai təzyiqlərə müraciət etməliyik”,- deyə Akopyan qeyd edib.