Səbinə Əliyeva beynəlxalq ictimaiyyətə videomüraciət edib - Xocalı soyqırımı ilə bağlı

Bu, azərbaycanlılara qarşı etnik təmizləmə məqsədilə törədilib

Azərbaycan Ombudsmanı Səbinə Əliyeva Xocalı soyqırımının 29-cu ildönümü ilə bağlı beynəlxalq ictimaiyyətə videomüraciət edib.

AzNews.az xəbər verir ki, müraciətdə qeyd edilir:

“Bu gün Azərbaycan insanlıq tarixinin ən qanlı faciələrindən birinin 29-cu ildönümünü qeyd edir. 1992-ci il fevralın 25-dən 26-sına keçən gecə Ermənistan silahlı qüvvələri və terrorçu qruplaşmaları Azərbaycanın Xocalı şəhərində silahsız mülki insanlara hücum edib. Bu hücum nəticəsində 613 mülki şəxs, o cümlədən 106 qadın, 63 uşaq və 70 qoca xüsusi amansızlıqla qətlə yetirilib.

Bu, azərbaycanlılara qarşı etnik təmizləmə məqsədilə törədilib.

Mülki əhaliyə qarşı milli, dini, etnik, irqi zəmində edilən hücumlar harada baş verməsindən asılı olmayaraq insanlıq əleyhinə cinayətlər hesab olunur”.