Baş prokurorun köməkçisi təqaüdə göndərilib

Baş prokurorun köməkçisi Müqəddəs Sultanov təqaüdə göndərilib.

Bu barədə Baş Prokurorluqdan bildirilib.

Qeyd olunub ki, Baş prokuror Kamran Əliyev prokurorluqda qulluqda olmanın yaş həddinə çatmış Baş prokurorun köməkçisi Müqəddəs Sultanov, Samux rayon prokuroru Mayıl Hacıyev və Baş Prokurorluğun Kriminalistika və informasiya texnologiyaları idarəsinin prokuroru İlham Səlimovu qulluq keçmələrinə xitam verilməsi ilə əlaqədar qəbul edib.

Onlara “Prokurorluğun fəxri işçisi” döş nişanı və Azərbaycan Respublikası Prokurorluğunun Fəxri fərmanı təqdim olunub.