Evsiz qalan vətəndaşlara 10 min yeni mənzilin tikiləcəyi vəd olunub Evsiz qalan vətəndaşlara 10 min yeni mənzilin tikiləcəyi vəd olunub
  • Qərb
  • 3 Dekabr 2019 20:55
  •  1 999

Zəlzələnin Albaniyaya vurduğu ziyan məlum oldu

Evsiz qalan vətəndaşlara 10 min yeni mənzilin tikiləcəyi vəd olunub

Albaniyanın Baş Naziri Edi Rama zəlzələnin ölkəyə vurduğu ziyanı açıqlayıb.

“RİA Novosti” xəbər verir ki, hökumətin açıqlamasına əsasən, zəlzələ qurbanlarının sayı 51 nəfər olub. 5,5 min fərdi yaşayış evi, 28 məktəb, 146 müəssisə dağılıb. Daha çox ziyan dəyən şəhərlər Durres, Tirana və Lejadır.

Paytaxt Tiranada 15 elektrik yarımstansiyası, 2 tibb müəssisəsi, 149 kommersiya obyektinə ziyan dəyib.

3,2 min nəfər zəlzələ bölgəsindən təxliyyə olunub. Onlar otellərə, mərkəzlərə yerləşdiriliblər. 2,5 min nəfər isə qohumlarının və dostlarının evində sığınacaq tapıb.

Evsiz qalan vətəndaşlara 10 min yeni mənzilin tikiləcəyi vəd olunub.

Xatırladaq ki, noyabrın 26-da Albaniyada 6,4 bal gücündə zəlzələ olub.(qafqazinfo.az)

AzNews.az