Səfərbərlikdən tərxis edilmiş şəxslər öz müraciətlərini Müdafiə Nazirliyinin yeni yaradılmış komissiyasına ünvanlamalıdırlar Səfərbərlikdən tərxis edilmiş şəxslər öz müraciətlərini Müdafiə Nazirliyinin yeni yaradılmış komissiyasına ünvanlamalıdırlar
  • Paytaxt
  • 11 Yanvar 2021 12:38
  •  5 637

Müdafiə Nazirliyi müharibədən qayıdanlara müraciət edib

Səfərbərlikdən tərxis edilmiş şəxslər öz müraciətlərini Müdafiə Nazirliyinin yeni yaradılmış komissiyasına ünvanlamalıdırlar

"Səfərbərlik üzrə hərbi xidmətə çağırılaraq Vətən müharibəsində iştirak etmiş şəxslər tərəfindən son zamanlar sosial şəbəkələr vasitəsilə müxtəlif məsələlər ilə bağlı videolar paylaşılır. Qeyd edək ki, bu cür videoların sosial şəbəkələrdə paylaşılması müzəffər Azərbaycan Ordusunun nüfuzuna xələl gətirməklə yanaşı düşmənlərimizin maraqlarına xidmət edir".

Bu barədə AzNews.az-a Müdafiyə Nazirliyindən bildirilib.

"Videolar vasitəsilə edilən müraciətlərin həll olunmasında yaranan çətinliklər isə həmin müraciətlərin anonim edilməsidir.

Bir daha bildiririk ki, səfərbərlikdən tərxis edilmiş şəxslərin qəbulunun keçirilməsi, onların müraciətlərinə vaxtında və obyektiv baxılmasının təmin edilməsi məqsədilə Müdafiə nazirinin müvafiq əmrinə əsasən yaradılmış komissiya bu gündən fəaliyyətə başlayıb və bu barədə nazırliyin rəsmi internet səhifəsində ətraflı məlumat verilib.

Qaldırılan məsələlərin baxılması və həll olunması üçün səfərbərlikdən tərxis edilmiş şəxslər öz müraciətlərini sosial şəbəkələrdə video paylaşmaqla deyil, Müdafiə Nazirliyinin yeni yaradılmış komissiyasına ünvanlamalıdırlar", - nazirlikdən qeyd olunub.