- Köhnə - Cəmiyyət
- 24 Yanvar 2013 11:19
- 2 298
Kinematoqrafçılar İttifaqı yeni ofis axtarır
![](https://www.aznews.az/storage/photos/kino.jpg)
Ötən gün Bakı şəhər İcra Hakimiyyətinin göstərişi ilə Hökumət Evindən çıxarılan Azərbaycan Kinematoqrafçılar İttifaqı yeni məkan üçün müraciət edəcək. Bu barədə APA-ya ittifaqın təşkilatı katibi Əsəd Əsədov məlumat verib. O bildirib ki, hazırda ittifaq ofissiz qalıb və bununla bağlı Bakı şəhər İcra Hakimiyyətinə müraciət etməyi düşünürlər: "İttifaqın sədri Rüstəm İbrahimbəyovdur. Hazırda Bakıda olmadığı üçün onu gözləyirik. Yəqin ki, bu müraciət olunacaq".
Qeyd edək ki, yanvarın 23-də Rüstəm İbrahimbəyovun rəhbərlik etdiyi Azərbaycan Kinematoqrafçılar İttifaqı fəaliyyət göstərdiyi Hökumət Evindən çıxarılıb. Qurumun avadanlığını müvəqqəti olaraq anbarda saxlanılır.
AzNews.az