Binəqədi sakinini döyüb, evini sökdülər - Fotolar

Binəqədi rayon sakini, 31/26-cı məhəllədə yaşayan Nəcəfov Ruslan Valeh oğlunun evi sökülüb. Söküntü işləri yerli İcra Hakimiyyətinin nümayəndələri və polis əməkdaşlarının iştirakı ilə həyata keçirilib.

AzNews.az xəbər verir ki, məsələ ilə bağlı həmin şəxsin ailəsi "Qafqazifo"ya müraciət edib.

İcra Hakimiyyətinin rəsmiləri sözügedən evin sənədsiz olduğunu və tikintinin qanunsuz aparıldığını əsas gətirərək söküntü aparıldığını qeyd edirlər.

Ruslan Nəcəfov isə bu arqumentlərlə razılaşmır. Evin sahibi iddia edir ki, polislər ona qarşı zor tətbiq edərək evini məcburi şəkildə və qanunsuz söküblər:

"Məndən 5 min manat pul istədilər. Bu pulu verə bilmədiyimə görə ətrafda olan digər evləri yox, məhz mənim evimi sökdülər. Anama, burda olan digər qadınlara da xəsarət yetiriblər".