- Köhnə - Dünya
- 1 Aprel 2016 21:31
- 3 881
Qrip epidemiyasından 65 nəfər ölüb - 195 nəfər ağır vəziyyətdə
Çexiyada qrip epidemiyasından ölənlərin sayı 65 nəfərə çatıb.
AzNews.az-ın APA-ya istinadən verdiyi məlumata görə, bu barədə ölkənin dövlət elmi-tədqiqat səhiyyə institutundan bildiriblər.
"Hazırda epidemiya səngisə də, qripin ağırlaşmasından 65 nəfər ölüb, daha 195 nəfər ağır vəziyyətdədir. Xəstəliyə ən çox yoluxanlar paytaxt Praqa, Cənubi Moraviya, ölkənin şimal və mərkəzi bölgəsində yaşayanlardır", məlumatda deyilir.
Qeyd olunur ki, Çexiyada "donuz qrip"inə yoluxma halları da qeyd olunub.