ABŞ hərbçiləri Tailanda gəldilər

6 mindən çox amerikalı əsgər 37-ci illik "Cobra Gold-2018" hərbi təliminə qatılmaq üçün Tailanda gəlib.

AzNews.az-ın dünya mətbuatına istinadən verdiyi məlumata görə, bu arada Myanmar nümayəndələri də ABŞ və Tailandın hərbi təlimlərinə dəvət edilib.

"Cobra Gold" hərbi təlimləri ABŞ və Tailand tərəfindən birgə təşkil olunur. Bu il ABŞ-dan 6125, Tailanddan isə 4007 əsgər bu təlimdə təmsil olunur.

Hərbi təlimlərdə iki ölkənin hərbçilərindən əlavə Yaponiya, Sinqapur, İndoneziya, Malayziya, Cənubi Koreya, Çin və Hindistandan da hərbçilər iştirak edəcək.