Seneqallılar üçün təhlükəli 48 saat

Seneqalın paytaxtı Dakarda qarşıdakı 48 saat içərisində havanın həddindən artıq çirklənəcəyi bildirilib.

AzNews.az-ın dünya mətbuatına istinadən verdiyi məlumata görə, Seneqalın Hava Keyfiyyəti İdarəetmə Mərkəzindən edilən açıqlamada havada toksiki maddələrin miqdarının daha yüksək olacağı, bununla da "narıncı həyəcan" verildiyi bildirilib.

Paytaxtdakı Katedral ərazisində toksiki maddələrin hər kubmetr üçün 600 mikroqrama çatacağı barədə məlumat verilib. Tənəffüs çətinliyi olan uşaqların və yaşlıların evlərini lazım olmadığı təqdirdə tərk etməmələri tövsiyə olunur.

Ümumdünya Səhiyyə Təşkilatının (ÜST) məlumatlarına görə, insan sağlamlığına təhlükə yaratmamaq üçün 1 kubmetr havada 25 mikroqramdan artıq zəhərli hissəciklər olmamalıdır.