Türkiyədən İraqa 5 milyardlıq təklif

Türkiyənin xarici işlər naziri İraqın yenidən qurulması üçün bu ölkəyə 5 milyard dollarlıq yardım təklif etdiyini açıqlayıb.

AzNews.az-ın dünya mətbuatına istinadən verdiyi məlumata görə, Küveyt İraqın yenidən qurulmasına həsr olunmuş beynəlxalq konfransa ev sahibliyi edir. Bazar ertəsi günü başlayan konfransa 2 minə yaxın investor qatılıb. Konfransda Türkiyəni təmsil edən Çavuşoğlu İraqın yenidən qurulması üçün 5 milyard dollar kredit verə biləcəklərini bildirib.

Küveyt və Qətər 1 milyard, BƏƏ və Almaniya 500 milyon, Səudiyyə Ərəbistanı isə 1,5 milyard dollar yardım edəcəyini vəd verib.