Keçən il Əfqanıstanda 3 mindən çox dinc sakin öldürülüb

Əfqanıstanda 2017-ci ildə 10 mindən çox vətəndaş öldürülüb və ya yaralanıb.

AzNews.az-ın dünya mətbuatına istinadən verdiyi məlumata görə, ölkədə silahlı münaqişələr nəticəsində 3 min 438 nəfər həlak olub, 7 min 151 nəfər isə yaralanıb. Hesabatda bildirilir ki, 2017-ci ildə öldürülən və ya yaralanan vətəndaşların sayı 2016-cı ildəkindən 6% az olub.

Hesabata əsasən, dinc əhalinin üçdə ikisi (65%) "anti-hökumət elementləri", o cümlədən Taliban, İŞİD və başqa tanınmamış qruplaşmaların qurbanı olub. Hökumət qüvvələrinin əməliyyatları nəticəsində dinc əhalinin 19% -i həlak olub və ya yaralanıb, 11% isə terrorçular və hökumət qüvvələri arasında qarşıdurma nəticəsində yaralanıb.