50 nəfəri xilas edən sürücünün faciəli sonu

İki mərtəbəli avtobus sürücüsü Tailandın şimalındakı dağ yolunda yanan avtobusdan 50 sərnişini xilas edib, lakin o, avtobusu saxlamağa çalışarkən özü də ölüb.

AzNews.az-ın dünya mətbuatına istinadən verdiyi məlumata görə, içərisində 50 Myanmar vətəndaşı olan avtobus miqrantları işdən evə apararkən qəza baş verib. Belə ki, dağ yolunda avtobusun mühərriki qəfildən od tutub və alov tezliklə salona yayılıb. Sürücü dərhal avtobusu dayandırıb və avtobusdan çıxmaq üçün bütün sərnişinlərə kömək edib. Daha sonra avtobusu söndürməyə başlayıb.

Yanğının söndürülməsinə az qalmış avtobus dağdan düşməyə başlayıb. Sürücü avtobusa atılıb onu saxlamağa çalışıb. Elə bu zaman avtobus eyni istiqamətdə gedən yük maşınına çırpılıb. Bu toqquşmada sürücü həyatını itirib.