Rusiyanın yeni raketləri ABŞ-ı qorxuya salıb

ABŞ Silahlı Qüvvələrinin generalı Lori Robinson ABŞ-ın, Rusiyanın yeni qanadlı raketləri ilə əlaqədar narahat olduğunu bildirib.

AzNews.az-ın dünya mətbuatına istinadən verdiyi məlumata görə, Robinson bildirib ki, ABŞ və Kanadada hədəfləri vura bilən silah sisteminə malik Rusiya iki ölkənin hava məkanına yeganə təhlükə olaraq qalır.

Bundan əlavə, Robinson Rusiyanın sualtı və strateji bombardmançıları modernləşdirməkdə davam etdiyini vurğulayıb.

Daha əvvəl ABŞ Silahlı Qüvvələrinin cənub komandanlığının rəhbəri admiral Kurt Tidd Rusiyanın Kuba, Nikaraqua və Venesuela ilə münasibətlərinin ABŞ üçün "kritik təhlükə" ola biləcəyini söyləyib.