Rus futbolçu bu addımı ilə hamını qəzəbləndirdi - Video

Rus komandası "Çertanova Moskva"da forma geyinən Stanislav Manayevin 330 türk lirəsi dəyərindəki əskinaslarla burnunu sildiyi görüntülər ölkəni qarışdırıb.

AzNews.az-ın dünya mətbuatına istinadən verdiyi məlumata görə, rus futbolçu Stanislav Manayevin pulla burnunu silmə görüntüləri etiraza səbəb olub. Təxminən 300 lirə dəyərindəki pulla burnunu silən futbolçu bu görüntüləri Instagram-da paylaşıb.

Videoda Manayevin "Bu pulu ehtiyacı olanlara verə bilərdim, amma verməyəcəyəm, çünki burnum çox ağrıyır" sözünü dedikdən sonra burnunu sildiyi görünür. Bu görüntülərə sosial mediada çox sərt rəylər yazılıb. Bundan sonra video silinib. Rusiyanın idman rəsmiləri futbolçunun "yaxşı bir şilləyə layiq olduğunu" bildiriblər.