Türkiyə terrorizmə qarşı mübarizəyə 1,4 trilyon dollar xərclədi

Türkiyə 1984-cü ildən bəri terrorizmə qarşı mübarizəyə 1,4 trilyondan çox ABŞ dolları xərcləyib.

AZƏRTAC xəbər verir ki, bu barədə Türkiyənin mədəniyyət və turizm naziri Numan Kurtulmuş məlumat verib. Nazir diqqətə çatdırıb ki, ötən dövrdə Türkiyəyə qarşı həyata keçirilən terror aktlarında 40 min insan həyatını itirib. PKK, İŞID və FETÖ terror təşkilatlarına kənardan beynəlxalq səviyyədə dəstək olmasa, onlar Türkiyə qarşısında bir həftə də davam gətirə bilməzlər. Ölkənin hərtərəfli inkişaf dinamıkasını qorumaq üçün terrorun kökü kəsilməlidir.

AzNews.az