Türkiyədə kürdlərlə polis arasında qarşıdurma - 20 nəfər saxlanıldı

Türkiyənin Muş şəhərində kürdlərlə polis arasında qarşıdurma yaranıb. Nəticədə 20 nəfər saxlanılıb.

AzNews.az xəbər verir ki, bu haqda məlumatı "f5haber" saytı yayıb.

Məlumata görə, HDP partiyasının fəalları olan kürdlər Muş Mərkəzi Seçki Komissiyasının binası önünə toplaşaraq HDP-lilərin səslərinin oğurlandığı iddiasıyla polislə mübahisə edib.

Qısa müddətdə böyüyən gərginliyin yatırılması üçün hüquq-mühafizə orqanları gözyaşardıcı bibər qazından istifadə edib.

İnsident zamanı 20 nəfər həbs olunaraq polisə aparılıb.

Polis ədliyyə binası önündə geniş təhlükəsizlik tədbirləri alıb.