Düşmən bu gecə də atəşkəsi pozdu - 2 hərbçisi məhv edildi

Xəbər verdiyimiz kimi, erməni silahlı bölmələri cəbhənin müxtəlif istiqamətlərində 60, 82 və 120 millimetrlik minaatanlardan, həmçinin iriçaplı pulemyotlardan da istifadə etməklə sutka ərzində atəşkəs rejimini ümumilikdə 128 dəfə pozub.

Azərbaycan Silahlı Qüvvələri əməliyyat şəraitinə uyğun olaraq düşmənin mövqeləri və səngərlərinə 128 dəfə atəş zərbəsi endirib.

AzNews.az erməni KİV-lərinə istinadən xəbər verir ki, atəşkəsi pozan Ermənistan ordusuna hərbçilərimiz tərəfindən açılan cavab atəşi nəticəsində 2 erməni hərbçi - 1997-ci il təvəllüdlü Qarik Mnatsakanoviç Movsisyan və 1968-ci il təvəllüdlü Vazgen Genrixoviç Arutyunyan öldürülüb.

Aydan AXUNDOVA