- Köhnə - Hadisə
- 2 Fevral 2018 13:10
- 8 025
Bakıdakı yanğın zamanı 2 nəfər tüstüdən zəhərlənib - Sakinlər təxliyə olunub + Yenilənib 2

Bakıda 15 mərtəbəli binada baş verən yanğın zamanı 2 nəfər tüstüdən zəhərlənib.
AzNews.az FHN-ə istinadən xəbər verir ki, Bakı şəhəri, Nərimanov rayonunda çoxmərtəbəli yaşayış binasının şaxtasından keçən tüstü borusunun üzərinə çəkilən şüşə pambıq üzlük və içərisinə yığılmış yağ qalıqları 60 p.m sahədə yanıb. Yanğın zamanı 2 nəfər tüstüdən zəhərlənib, 10 nəfər bina sakini, o cümlədən 4 nəfər azyaşlı təhlükəsiz əraziyə təxliyə olunub. Mənzillər yanğından mühafizə olunub. Yanğın yanğın bölmələri tərəfindən söndürülüb.
***
12:11
Bakıda 15 mərtəbəli binada baş verən yanğın söndürülüb.
AzNews.az FHN-ə istinadən xəbər verir ki, Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhəri, Nərimanov rayonunda çoxmərtəbəli binanın damında yanğın baş verib. Yanğın yanğın bölmələri tərəfindən söndürülüb. Əlavə məlumat veriləcək.
***
10:55
Bakıda 15 mərtəbəli binada yanğın başlayıb.
Lent.az-ın hadisə yerində olan əməkdaşının verdiyi məlumata görə, Nərimanov rayonu Koroğlu Rəhimov küçəsində yerləşən beşmərtəbəli yaşayış binasında yanğının başlaması ilə bağlı çağırış daxil olub. Hadisə yerinə 6 yanğınsöndürmə briqadası cəlb edilib və bina sakinləri təxliyə edilib. Hazırda yanğının söndürülməsi ilə bağlı iş aparılır.
AzNews.az