58 yaşlı kişi özünü yandırdı- Şok olay

Bu gün Ağcabədi rayonunda dəhşətli intihar hadisəsi baş verib. Lent.az-ın məlumatına görə, rayonun Rəncbərlər kənd sakini 1955-ci il təvəllüdlü Əsgərov Faiq Surxay oğlu üstünə benzin tökərək özünə od vurub. 58 yaşlı kişi diri-diri yanaraq ölüb.

Ağcabədi rayonundakı digər faciəvi hadisə rayonun mərkəzi xəstəxanasında baş verib. Rayon sakini 1975-ci il təvəllüdlü Quliyeva Səriyyə Kamil qızı doğuş zamanı keçinib. 38 yaşlı qadın keysəriyə üsulu ilə uşaq dünyaya gətirərkən təzyiqi kəskin aşağı düşüb. Tibbi müdaxiləyə baxmayaraq qadının həyatını xilas etmək mümkün olmayıb.

S.Quliyevanın oğlu dünyaya gəlib. həkimlər körpənin vəziyyətinin normal olduğunu bildiriblər.

Qeyd edək ki, dünən Gəncə şəhərində də qadın doğuş zamanı dünyasını dəyişmişdi.

AzNews.az