Ot tayası və maşın yandı

AzNews.az Fövqəladə Hallar Nazirliyinin saytına istinadən bildirir ki, Bərdə rayonu, Məşədiibişli kəndində (rayon mərkəzindən 28 km aralı) vətəndaşa məxsus ümumi sahəsi 40 kv.m olan qarğıdan ibarət köməkçi tikilinin yanar konstruksiyaları və 15 ton ot bağlamasının 10 tonu yanıb. Ot bağlamasının qalan hissəsi və yaxınlıqda olan tövlə yanğından mühafizə olunub. Yanğın yanğınsöndürənlər tərəfindən söndürülüb.

Saytın verdiyi başqa bir xəbərə görə Bakı şəhəri, Binəqədi rayonunda vətəndaşa məxsus "QAZ-24" markalı, minik avtomobilinin salon hissəsi yanıb. Avtomobilin qalan hissəsi yanğından mühafizə olunub. Yanğın saat 18:20-də yanğınsöndürənlər tərəfindən söndürülub.

AzNews.az