Küçədə quldurluq edən şəxs saxlanıldı

Bakıda küçədə quldurluq edən şəxs tutulub.

Bakı şəhər Baş Polis İdarəsinin mətbuat xidmətindən verilən məlumata görə, dekabrın 6-da Yasamal Rayon Polis İdarəsinin 28-ci Polis Bölməsinin əməkdaşları tərəfindən Bakı şəhər sakini Fikrət İsgəndərov tutulub.

F.İskəndərov dekabrın 3-ü saat 15 radələrində Mətbuat prospektində Fərid Dünyamalıyevi bıçaqla hədələyərək pulunu almaqda şübhəli bilinir.

Müəyyən edilib ki, o, noyabrın 28-də həmin prospektdə Bakı şəhər sakinləri - Akşin Əzizova və Samir Əzizova sözlə hədə-qorxu gələrək pul tələb edib, lakin sonuncular pullarının olmadığını bildirərək qaçıblar.

Faktla bağlı cinayət işi açılıb, araşdırmalar davam etdirilir.

AzNews.az