Bakıda əxlaqsız qadınlar İngiltərə vətəndaşının başına oyun açdı – TƏFƏRRÜAT

Bu gün Böyük Britaniya vətəndaşı olan azərbaycanlı şəxs Bakı şəhər, Səbail rayon Polis İdarəsinə müraciət edib. Lent.az-ın əldə etdiyi məlumata görə, beynəlxalq korporasiyalardan birində çalışan 1954-cü il təvəllüdlü Bayramov Zöhrab Rüstəm oğlu başına gələn olayı polisə nəql edib.

O bildirib ki, oktyabrın 23-də gecə saatlarında şəhərin mərkəzindəki gecə klubunda 2 qızla tanış olub. Z.Bayramov həmin qızları evə Bayıl qəsəbəsi, Məmmədəliyev küçəsi 14 ünvanına dəvət edib və onlarla şənlənib.

Qadınlar xeyli içirib sərxoş etdikdən sonra Z.Bayramovun cibindəki 800 manat pulu, üstündəki qiymətli əşyaları götürərək aradan çıxıblar. Hazırda polis Britaniya vətəndaşını soymuş qadınları axtarır. Faktla əlaqədar əməliyyat-istintaq tədbirləri həyata keçirilir.

AzNews.az