SOCAR-ın idarəsi 10 ayda qeyri-neft-qaz ixracından 344 milyon dollar gəlir götürüb

Bu ilin yanvar-oktyabr aylarında Azərbaycan Dövlət Neft Şirkətinin (SOCAR) Marketinq və İqtisadi Əməliyyatlar İdarəsi 344,1 milyon ABŞ dolları dəyərində qeyri-neft-qaz məhsulu ixrac edib.

Aznews.az xəbər verir ki, bu barədə İqtisadi İslahatların Təhlili və Kommunikasiya Mərkəzinin "İxrac İcmalı"nın noyabr sayında bildirilir.

Bildirilir ki, bu, 2024-cü ilin ilk 10 ayı ilə müqayisədə 0,1 % azdır.

Xatırladaq ki, 10 ay ərzində Azərbaycanın qeyri-neft sektoru üzrə ixracı 2024-cü ilin müvafiq dövrü ilə müqayisədə 6,6 % artaraq 3 milyard ABŞ dolları təşkil edib.