Həsən Ruhanidən xarici qüvvələrə xəbərdarlıq - "Körfəzdən kənarda durun"

"Əgər səmimidirlərsə, o zaman bölgəmizi silah yarışına çevirməsinlər"

"ABŞ Körfəzə qoşun yerləşdirəcəyi halda xarici qüvvələr bizim insanlar və regionumuz üçün problemlər yarada bilər”.

BBC-yə istinadla verilən xəbərə görə, bu barədə İran Prezidenti Həsən Ruhani 1980-1988-ci illərin İran-İraq müharibəsinin başlaması ildönümü ilə bağlı Tehranda keçirilən hərbi paradda çıxışı zamanı bildirib.

O diqqətə çatdırıb ki, xarici qüvvələr bu bölgəyə həmişə "ağrı və səfalət gətirib" və "silah yarışında" onlardan istifadə olunmamalıdılr.

Ruhani İranın BMT-də Körfəzə dair yeni sülh təşəbbüsünü təqdim ediləcəyini də söyləyib.

İran prezidenti xarici qüvvələrə bölgədən "uzaq durmağı" məsləhət görüb: "Əgər səmimidirlərsə, o zaman bölgəmizi silah yarışına çevirməsinlər. Bölgəmizdən və ölkələrimizdən nə qədər uzaq olsanız, bu bölgə o qədər təhlükəsiz olar". (APA)