Gürcüstanda yoluxma sayında daha bir rekord

Son sutkada 7 nəfərin vəfatı ilə bu virusdan ölənlərin sayı 85 nəfərə yüksəlib

Gürcüstanda son sutka ərzində daha 523 nəfərdə koronavirus aşkarlanması ilə günlük yoluxma sayında yeni rekord qeydə alınıb.

AzNews.az “Sputnik Gürcüstan”a istinadən xəbər verir ki, bununla da ölkədə koronavirusa yoluxanların sayı 11 974-ə çatıb.

Son sutkada 7 nəfərin vəfatı ilə bu virusdan ölənlərin sayı 85 nəfərə yüksəlib.

Qeyd edək ki, ölkədəki epidemioloji vəziyyətlə əlaqədar Gürcüstanın İqtisadiyyat və Davamlı İnkişaf Nazirliyinin Mülki Aviasiya Agentliyi müntəzəm uçuşlara qadağanı 30 sentyabrdan 31 oktyabradək uzatmağa qərar verib.