Məşhur serial mükafatdan imtina etdi

“Diriliş Ertuğrul” serialı onlara verilən “Altın Kelebek” mükafatını geri qaytarıb.

AzNews.az Türkiyə KİV-nə istinadən xəbər verir ki, mükafatı almaq üçün səhnəyə dəvət edilən serialın heyətinə danışmaq üçün söz verilməyib.

Bu barədə ekran işinin prodüseri və ssenaristi Mehmet Bozdağ məlumat verib:

"Mükafatlandırma mərasimində izləyənlərimizi salamlamaq və onlara təşəkkür etmək üçün bizə imkan verilmədi. Bunu haqsızlıq qəbul edirik. Bu bizə və izləyicilərimizə qarşı nəzakətsizlikdir. Buna görə də mükafatı geri qaytardıq".