Xalq artistinin dəfni ilə bağlı nazirlikdən açıqlama: “Qubada doğmaları var...”

Xalq artisti Zərnigar Ağakişiyeva Quba rayonunda dəfn olunacaq.

Bu barədə AzNews.az-a Mədəniyyət və Turizm Nazirliyinin informasiya və ictimaiyyətlə əlaqələr şöbəsinin müdiri Vüqar Şixəmmədov deyib. Onun sözlərinə görə, mərhum Qubada anasının yanında torpağa tapşırılacaq.

V. Şixəmmədov qeyd edib ki, mərhum sənətkarın Quba rayonunda yaşayan doğmaları var və dəfn işləri ilə onlar məşğul olacaq.

Qeyd edək ki, xalq artisti Zərnigar Ağakişiyevanın ötən gün yaşadığı evdə meyiti tapılıb. Eskpertizanın ilkin rəyinə əsasən, xalq artisti fevralın 8-də yox, azı, 2-3 gün əvvəl dünyasını dəyişib.

Bahar RÜSTƏMLİ
AzNews.az