Qazağıstandan Rusiyaya 3 milyardlıq Tələb

AzNews.az Qazağıstan mətbuatına istinadən xəbər verir ki, Qazağıstan iyulda Baykanur kosmodromunda "Proton - M" raketdaşıyanın qəzaya uğraması nəticəsində ətraf mühitin zərərli maddələrlə çirklənməsinə görə Rusiyadan 13 milyard tenge və ya 2.904 milyard rubl tələb edib. Məbləğ gizlin saxlanılsa da 22 noyabrda rəsmən açıqlanıb.
Ətraf mühitin çirkləndirilməsi dedikdə, qəza nəticəsində raket yanacağının yanması nəticəsində heptil zəhərli maddəsinin yaratdığı zərərli buludların əraziyə yayılması nəzərdə tutulur.
Xatırladaq ki, bu ilin 2 iyul tarixində "Proton - M" raketdaşıyıcısı üç "Qlonass - M" rabitə peyki ilə birlikdə startdan 10 saniyə sonra qəzaya uğrayaraq partlayıb. Baykonurda qəzanın fəsadlarını aradan qaldırmaq üçün bir neçə ay vaxt lazım olub. İyul qəzasından sonra yalnız 30 avqustda "Proton - M" - in buraxılışı baş tutub.

Əli
AzNews.az