Ramzan Kadırov Doku Umarovun öldüyünü rəsmən bəyan etdi

Çeçenistan prezidenti Ramzan Kadırov silahlı qrupların lideri, özünü "Qafqaz əmirliyinin rəhbəri" adlandıran Doku Umarovun öldüyünə əmindir.

APA-nın "RİA Novosti"yə istinadən verdiyi xəbərə görə, R. Kadırov Moskvada jurnalistlərə açıqlamasında deyib ki, D. Umarov çoxdan ölüb: "Umarovdan çeçen xalqına və respublikasına heç bir təhlükə yoxdur. Mən bunu rəsmən bəyan edirəm".

R. Kadırov D. Umarovu şeytan və siçovul adlandırıb. O, Çeçenistanın ən sakit region olduğunu vurğulayıb və Qroznıda yaşamağın Moskvada yaşamaqdan daha təhlükəsiz olduğunu söyləyib.


AzNews.az