PKK ilə döyüş bölgəsindən yeni xəbər var

Türkiyənin Ağrı vilayətinin Diyadin bölgəsində PKK-ın hücumundan sonra hadisə yerindən həyəcanlı xəbərlər gəlməyə başlayıb.

AzNews.az xəbər verir ki, PKK-lılarla dialoq aparmaq üçün əraziyə gələn insanlardan bir qrupunun atəş altında qaldığı deyilir.

Dəqiqləşdirilməyən xəbərə görə, onların arasında ölən və yaralananların da olduğu iddia edilir.

HDP-nin Ağrı vilayəti üzrə sədri Sabri Tayfur deyib ki, əməliyyat bölgəsinə gedən HDP Diyadin bölgəsinin keçmiş sədri Cəzmi Budakın ölüb, MEYADER-in nümayəndəsi Cenap İlboğanın isə yaralanıb.

Tayfur hadisə ilə əlaqədar bunları bildirib: "Münaqişə bölgəsinə getdik, ölümdən zorla qurtulduq və kənddə bir evə sığındıq. Ölən və yaralılar yuxarıda qalıb. Təhlükəli olduğuna görə bölgəyə təcili tibbi yardım maşını göndərilmir. Yaralı 4 əsgər də aşağı endirilmir".

Toqquşma zamanı 1 PKK-lının da öldüyü xəbəri gəlib.