Rusiyanın NATO-dakı yeni nümayəndəsi kimdir?

Rusiya Xarici Işlər Nazirinin müavini Aleksandr Qruşko bu ölkənin NATO-dakı daimi nümayəndəliyinin rəhbəri təyin olunub. APA-nın Moskva müxbirinin verdiyi məlumata görə, bu barədə Rusiya prezidenti Vladimir Putin bu gün fərman imzalayıb.

A. Qruşko bu ilin noyabr ayından yeni vəzifədə səlahiyyətlərinin icrasına başlayacaq.

Qeyd edək ki, Rusiyanın NATO-dakı nümayəndəliyi vəzifəsi boş qalmışdı. Buna səbəb keçmiş daimi nümayəndə Dmitri Roqozinin baş nazirin müavini təyin olunması olub.

AzNews.az