Nazpərinin vəkili hədələdi

"Bu yalanı yazanların cavabları veriləcək"

Xalq artisti Nazpəri Dostəliyeva plastik əməliyyat keçirib. Bu haqda yayılan məlumatlarda iddia olunur ki, İsveçrədə reallaşan əməliyyatda o, 8 kiloqram çəkidən azad olub, eyni zamanda göz qapaqlarında və üzündə estetik əməliyyat aparılıb.

Nazpəri Dostəliyevanın vəkili Yunis Vəliyev AzNews.az-a verdiyi açıqlamada yayılan bu xəbərləri təkzib edib: "Bu yalan məlumatdır. Nazpəri xanım nə İsveçrəyə gedib, nə də plastik əməliyyat etdirib. Onun estetik əməliyyata ehtiyacı yoxdur. Bu yalanı yazanların isə cavabları veriləcək".

Bahar Rüstəmli
AzNews.az