Etibar Məmmədov “Facebook inqilabı”ndan danışdı

“Fərziyyələr irəli sürmək jurnalistlərin işi, bunu araşdırmaq isə müvafiq orqanların vəzifəsidir”

"Müvafiq qurumlar ölkədə "Facebook inqilabı"nın hazlrlanmaslna dair ittihamlara cavab verməlidirlər ki, Azərbaycanda belə şeylər baş verib, yoxsa yox".

Bunu AzNews.az-a AMİP-in fəxri lideri Etibar Məmmədov ABŞ-ın Milli Demokratiya İnstitutu vasitəsilə Azərbaycanda facebook inqilabı üçün 2 milyon vəsait ayırması ittihamı barədə suala cavabında bildirib. Mülahizələr əsasında hansısa fikir səsləndirməkdən uzaq olduğunu vurğulayan AMİP lideri hesab edir ki, jurlalistin irəli sürdüyü ittiham araşdırılmalıdır:

"Hansısa bir jurnalist ittiham irəli sürüb. Onun əsasında da təhqiqat başlanmalı və belə bir şeyin olub-olmadığı öyrənilməlidir. Fərziyyələr irəli sürmək jurnalistlərin işidir, bunu araşdırmaq isə müvafiq orqanların vəzifəsidir".

E.Məmmədov onu da əlavə edib ki, hansısa qurumun Azərbaycanda belə bir planı olması barədə məlumata malik deyil: "Bu barədə mənim heç bir məlumatım yoxdur. Bu məlumatın dəqiqləşdirilməsi də vəzifə borcuna görə səlahiyyətli müvafiq qurumların, insanların üzərinə düşür".

Gültəkin
AzNews.az