Kim Yo-conqdan Yaponiyaya sərt xəbərdarlıq: "Sizinlə görüşmək niyyətimiz yoxdur"

Şimali Koreya lideri Kim Çen Inın bacısı Kim Yo-Conq Yaponiya ilə sammit ehtimalını birmənalı şəkildə rədd edib. Pxenyan rejimi Tokio mövcud siyasətini dəyişməsə, heç bir danışıqların mümkün olmadığını vurğulayıb

​Şimali Koreya Mərkəzi Xəbər Agentliyi (KCNA) tərəfindən yayımlanan bəyanatda Kim Yo-conq, Yaponiya Baş naziri Sanae Takaiçinin ABŞ Prezidenti Donald Tramp ilə martın 19-da Vaşinqtonda keçirdiyi görüşə diqqət çəkib.

​Takaiçinin bu görüşdə Şimali Koreya ilə zirvə görüşü keçirmək niyyətinin mətbuata sızdığını bildirən Kim, bunun birtərəfli bir təşəbbüs olduğunu ifadə edib.

​Kim Yo-conq bildirib: “Yaponiya Baş naziri tərəfimizdən tanınmayan bir məsələni həll etmək istəyirsə, dövlət rəhbərliyi olaraq onunla nə görüşmək, nə də üz-üzə gəlmək niyyətimiz olmayacaq”.

​"Əvvəlcə vərdişlərinizi dəyişin"

​İki ölkə arasında yüksək səviyyəli görüşün baş tutması üçün Yaponiyanın mövqeyini dəyişməli olduğunu vurğulayan Kim, Tokio rəhbərliyinin “tarixi axına uyğun gəlməyən təcrübə və vərdişlərindən əl çəkməli” olduğunu söyləyib.

Mövsüm,

AzNews.az