Milli Məclisin nümayəndə heyəti Rusiyaya səfər edəcək

Azərbaycan parlamentinin nümayəndə heyəti Rusiyaya səfər edəcək.

Moskvaya səfər edəcək nümayəndə heyətinin üzvü millət vəkili Azər Badamov mövzu ilə bağlı saytımıza danışarkən bildirib ki, Milli Məclisin nümayəndə heyəti 5-7 iyul tarixlərində Rusiyaya səfərdə olacaq.

“Hesab edirəm ki, parlamentlərarası əməkdaşlıq komisiyasının keçirdiyi iclaslar ölkələrimiz arasında əməkdaşlığın və dostluğun inkişafına töhfə verir”, - o əlavə edib.

Millət vəkili qeyd edib ki, nümayəndə heyətimizin Moskvaya səfəri Parlamentlərarası əməkdaşlıq komissiyasının 19-cu iclasında iştirak etmək məqsədi daşıyır:

"Keçiriləcək iclasda həmkarlarımız parlamentlərarası əməkdaşlıqın inkişafına, o cümlədən Azərbaycanla Rusiya arasında münasibətlərin inkişafında parlamentlərin verəcəyi töhfələr ətrafında çıxışlar edəcəklər. O cümlədən Azərbaycanla Rusiya arasında sərhəd və logistika sahəsində əmkdaşlıq ətrafında mənim çıxışım da nəzərdə tutulub”.

Rəşid Qarayev