Vaqif Əsədov bundan sonra nə işlə məşğul olacaq? - Özündən AÇIQLAMA

Polis polkovniki Vaqif Əsədov təqaüdə getməsi ilə bağlı açıqlama yayıb

Aznews.az xəbər verir ki, o, Bizim.Media-ya göndərdiyi açıqlamada hər kəsə təşəkkürünü bildirib.

Açıqlamada deyilir:

“Ötən gün mənə çox sayda telefon zəngləri, eləcə də KİV nümayəndələrinin sms vasitəsi ilə sualları daxil olub. Telefon zənglərinə və suallarınıza cavab verə bilmədiyimə görə üzrlü sayın, mənə və xidmətimə olan diqqət və qayğınıza, eləcə də informasiya almaq istəyinizə görə təşəkkürümü bildirir və təqdir edirəm.

Bəli, təqaüdə çıxmaq üçün “xidmətdə olmanın son yaş həddinə çatdığına görə” əmr imzalanıb və şəxsi heyətə elan edildi. Bununla əlaqədər rəhbərlik səviyyəsində şəxsi heyətlə birgə tədbir təşkil edildi və xüsusi olaraq xidməti fəaliyyətim yüksək qiymətləndirildi.

Düşünürəm ki, daim təmasda olduğum hərəkət iştirakçıları da öz fikirlərini paylaşarlar. Əlbəttə, Tanrıya şükürlər olsun ki, qismət oldu xidmətimi başa vurub təqaüdə çıxa bildim.

Təbii ki, buna çox sevinirəm və bu sevinci mənə, ailəmə yaşadan DİN-in bütün rəhbərliyinə təşəkkürümü bildirirəm.

Bu gün, Azərbaycanın ən xoşbəxt vətəndaşlarından biriyəm desəm, heç də yanılmaram. Çünki DİN rəhbərliyinin bundan sonra da mənə, həyat tərzimə olan diqqət və qayğısı, hətta ailə üzvlərimin belə nəzarətində olması bir daha DİN-nin əsgəri olduğumu, dövlətə və dövlətçiliyə daim vətəndaş kimi xidmət etməyimi qarşımda bir vəzifə olduğunu təsdiq etdi.

Fürsətdən istifadə edib cənab nazirə təşəkkür edir və onu əmin edirəm ki, istefada olan polis-polkovniki kimi qanunvericilik tələblərinə uyğun olaraq mülki vətəndaş kimi də borcumu davam etdirəcəyəm.

Əlavə olaraq qeyd edim ki, bu xidməti məndən sonra da əməkdaşlar təbliğat işini daha səmərəli təşkil edərək ictimayyətlə və KİV-lə qarşılıqlı, ardıcıl, məqsədli və layiqincə davam etdirəcək”, - deyə qeyd edib.