Nərminin qətli-faciəsi barədə Nərminin qətli-faciəsi barədə
  • Tribuna
  • 19 May 2022 14:13
  •  22 148

Nərminin qatili kim ola bilərdi?

Nərminin qətli-faciəsi barədə

"Nərmin işini" o dərəcədə siyasiləşdirib, intriqa və ictimai-siyasi ziddiyyətə çevirib də kriminal hadisə əndazəsindən çıxarıblar ki, artıq, bu işə baş qoşub, təhqiqat aparıb, konkret söz deyib, fikir bildirmək kəskin qısqanclıq və bundan da doğan, havayı başağrı yaradır. Xalq, cəmiyyətə isə, qaranlıq müəmmalar, həyəcan-stress qalır!

Ona görə də düşündüm ki, bu məsələyə başqa bir rakursdan ümumi nəzərlə yanaşıb, tədricən problemin kökü, qəlivini açaq ortaya qoyaq və qoy, cəmiyyət kənardan yeridilən deyil, özü öz qənaəti, fikrini formalaşdırsın bunun üzərində.

Hər şeyi bir kənara qoyub, hesab edək ki, hələ təqsirli müəyyən (aydın) edilməyib və axtarılır. Və sual qoyaq: Nərminin qatili kim ola bilərdi?!

Əvvəlcə görək, Nərmin üzərində hansı cinayət əməlləri törədilib, açıq, obyektiv faktlara görə:
- adam (azyaşlı, 11 yaşlı qız uşağı) oğurluğu,
- xeyli müddət şəraitsiz, qidadız, soyuq yerdə, qorxu, təzyiq altında saxlayaraq, əzab, işgəncə vermə.
- pedofiliya: müxtəlif formalarda, üsullarla və vasitələrlə azyaşlının üzərində öz daxili normal ya öz pato-psixoloji cinsi ehtirasını söndürmə.
- həyatla bir araya sığışmayan ağır xəsarətlər, yandırma, xüsusi amansızlıqla adam öldürmə.

Sual oluna bilər ki, azyaşlı qız uşağını öz balası ya bacısı, qohumu kimi oğurlayıb saxlamaq da ola bilər, yəni, pedofiliya-azyaşlıya cinsi maraq yoxdur. Bunu qəbul etmirəm. Qız uşağı yaşına uyğun olmayan inkişaflıdır, xasiyyəti, davranışı, geyimi, nəzəri-diqqəti cəlb etməsilə pedofillər üçün çəkicidir. Öz uşağı kimi kiçik 1-3 yaşında uşaqlar oğurlanır, 11 yaş deyil. İkincisi də belə bir öz ana-ata, qohum-qardaş, el-oba yaddaşı formalaşmış bu yaşdakı uşağın yaddaşını silib, onda təzə valideyn hissi, tabelik yaratma qəti mümkünsüzdür. Və eyni kənddə onu qızı kimi nə cür saxlasın? Öz uşağı bilib, sevdiyinə niyə bu əzabı versin? Bunları nəzərə almadan edən şəxs yalnız psixi xəstə ola bilər və "dəlixanalıq".

Sual oluna bilər ki, ola bilsin uşağı oğurlayanın cinsi əlaqə imkanı olmasın bəs onda pedofiliya mümkünmü? Tam mümkündür. Pedofillər cinsi ehtiraslarını müxtəlif alətlərlə, sürtünmə və ya, qucaqlamaqla, hətta uşağın üzünə və ya onun əzab çəkməsi, ağlamasına baxmaqla ehtirasını söndürə bilirlər. Öz, patopsixoloji ehtiraslarını! Nərmin faciəsində motiv pedofiliyanı görürəm.
Keçək, qatil pedofilin kimliyi, portretini cızaq.

Pedofiliya psixika, ağılın yox, psixoloğiya, yəni xasiyyət və davranışın deformasiyasıdır. Bunlar el dilində təxmini desək, "dəli" deyil "bicdirlər". Pedofil əsasən 13 yaşdan aşağı uşaqlara meyl göstərənlərdir. Niyə? Çünki onlar iki şəxsiyyətli və xarakterli psixopatdırlar. Bunlarda şəxsiyyət ikiləşir, bir bədəndə iki tam fərqli şəxsiyyət var. Və bunlar çox təhlükəli insanlardır. Sakit, fağır, mədəni, intellekt şəxsiyyət birdən vəziyyətdən asılı olaraq, çönür qəddar, aqressiv kobüdluğa.
Pedofillərdə niyə azyaşlı uşaqlara həvəs mania var? Çünki onlarda cinsi şüur yeniyetmə 15-16 yaş dövründə qallb, inkişaf etməyib şəxsiyyəti. Və bununla onların marağı, diqqəti azyaşlılara yönəlir, özlərini 15-16 oğlan hiss edirlər. Digər şəxsiyyəti ilə isə, həyatda, böyük insanlar kimi davranır, təhsilli, savad, bacarıqlı da ola bilirlər. Cəmiyyətdə güclü inam, hörmət də qazanırlar.

Sadəcə azyaşlı, gözəgəlimli qız uşağı görəndə, anidən beyinləri asılı olmadan manyaka çönür.
O yeniyetmə cildinə keçəndə də mimikaları və səs telləri, davranışları elə yeniyetməyə dönür ki, azyaşlı qızlarda 15-16 yaşlı bir oğlan təsviri yaradıb, onların etibarını alıb da, apara bilirlər!
Bunlardakı ümumi xasiyyət də, normadan çıxır. Ya, çox enerjili, münasibətli yada ki, çox passiv və özlərinə qapanan, tənhalığa çəkilən olurlar. İkişəxsiyyətlilər ukiüzlülərdın fərqli çox, xüsusi təhlükəlidirlər. Çünki, onların əsil simasını daha çətin ayırd etmək olur. İkiüzlü eyni şəxsiyyətin iki üzüdür, davranışına yaxşı diqqət etsən, əsil simasını ayırd etmək olur. Şəxsiyyəti ikiləşənsə eyni bədən cismində iki fərqli şəxsiyyət, insan deməkdi, metamorfoz kimi vaxtaşırı bir-birinə çönüb, bir-birini əvəz edən. Ona görə bunların əsil simasını ayırd etmək adi gözlə, mütəxəssis olmayan çoxluq üçün mümkünsüz qədər çətin olur. Bunlar mahiyyətcə də amansız və qəddar, niyyətləri də, çox təhlükəli, psixoloji pozuntulu olur. Belə tiplərə cəmiyyət içində tək pedofillər deyil, şikarını məharətlə aldadan dələduzlar və yaxud müdirini cildə girib yıxan karyeristlər və sair formalarda da rast gəlmək olur, öz seçdiyi hədəfə doğru təmkinlə, tədbirlə, inadla gedən.

Təcrübəmizdə, pedofillərin, xüsusi bacarıqları ilə, hətta istintaqı da dolayıb, fırladıb, çaşdırıb dolaşığa salma halları çox olur. Əvvəlcə, özünü fağır, sakit, məsum göstərib, əməliyyatçılar və istintaqçıları, vicdanlı etirafçı və "üzüyola" kimi işin artıq 100% açılmasına arxayınlaşdırırlar. İşi prosessual səliqəsiz, hətta, başdansovduluqla aparılmasına nail olurlar. Sonradan 180 dərəcə məhkəmədə çevrilib, istintaqda qüsurlar tapıb hər şeyi boynundan atmağa müyəssər olublar. Olub, Rusiyada hətta onu izolyatorda dindirən müstəntiq qadına təsir edib, "sevgilə" aldadıb, hipnoza salıb silahını ala bilib qaçan (və sonra müstəntiq həbs edildi!) pedofil də rast gəlinib.
Nərminin qatili pedofil hansı yaş dövründə ola bilər? Çox gənc ola bilməz. Cinsi ehtiras həvəs, maraq şüuru 15-16 yaşdakı dövrdə ilişib qalsa da, yaşı kifayət qədər həyat təcrübəsi və təhsil və bilgilər alan, müəyyən əziyyət və ağrıları da keçirən bərkimiş, tədbirli, hiyləgər və qəddarın birisinə uyğundur. Çünki, 11 yaşından da xeyli irəli inkişaf etmiş ağıl və davranışdakı qızı təsir edib, inam yaradlb, aldadıb aparma, şikarını 44 gün öz, ehtiraslı istifadəsində gizli saxlama və səbr, səliqə, tədbir və ardıcıllıqla onu işgəncəli öldürməklə tezalışan sintetik materiala büküb müvafiq qaranlıq, kimsəsiz vaxt, şəraitli də yer seçib, meyiti gətirib, izi itirmə düşüncəli rahat yandırmaq da böyük yaş və təcrübə tələb edir. Bu bir.

İkincisi, az yaşlı qızcığazı oğurlama, onu vəhşi cinsi ehtirasla 44 gün ağır, bağlı şəraitdə qidasız, natəmiz saxlama amansızlığı və axırda da halsız, qurumuş uşağı əvvəl, bir neçə zərbə ilə küt, sərt alətlə başını vurub dağıtma, sonra isə onu yandırma qəddarlığı da xeyli yaş tələb edir, o qatildən. Bunları bir gənc edə bilməzdi!

Nərminin qatili pedofil hansı bölgədə yaşayar? Elə, həmin bölgədə. Bu şəxs, xeyli müddət qızı (fikrimcə, son bir ildə qız sanki öz yaş dövrünə uyğun və 15-16 yaşlı yeniyetmələrin diqqətini çəkmə tərzində, xüsusiyyətləri çiçək açandan) öz, patoloji ehtiras şüuru, diqqətində saxlayıb. Ara-sıra və bəlkə də, hiss etdirmədən, özünün qəsdən yaratdığı "təsadüfdən" qıza "rast" gəlib və salamlaşıb, bəlkə də qısa danışdırıb. Qız da onu uşaqlıqdan tanıyıb, bir öz həmyerlisi kimi.

İkincisi, qatil həmin bölgədən olmayaraq uşağı oğurlayıb uzaqda saxlasaydı, onu nədən, uzaq yerdəcə atmayıb, basdırmayıb, gətirib həmin o məhəllədə meyitini yandırıb atsın? Və bir də ki, uzaq bölgədən olan və yerli şəraiti yaxşı halda tanımayan şəxs, hansı bilgi və arxayınlıqla zibil ya, artıq əşyalar atılan buraxma sahəni tanısın, özü ilə neft gətirib meyiti rahat yandırsın? Ya, uzaqdan necə meyiti sürüyüb gətirsin, əgər ki, maşını ilə gətiribsə belə tədbirli adam bilmirmi özgə maşını kənd yerində gözə çarpar və belə bir imkan, maşını olubsa, meyiti gözdən uzağa dərə-təpəyə niyə aparıb itirməsin? Burada, bir məsələ də ortaya çıxır ki, yerli qatilin də elə bir imkan maşını olmayıb ki, meyiti uzaqda itirsin. Olsa, meyiti gətirib, istintaqa faktlar verməzdi.

Nərmin faciəsi barədə ixtisaslı fikirlərim hələlik bu qədər. Gedişata baxıb, əlavə fikir bildirərik.

P. S. Bu məsələ ilə bağlı kənardan kimisə qatil, təqsirli, günahkar kimi bəyan etməyim təbii ki, hüquq və savadlılıq baxımından absurd olardı. İşin istintaqının içində, dəlil, faktlara bilavasitə kriminalist əlaqəli olsaydım, bu, başqa məsələ.

İlqar ALTAY