Entoni Blinken İsrailin xarici işlər naziri Koenlə görüşüb

ABŞ dövlət katibi Blinken İsrailin xarici işlər naziri Eli Kohenlə ABŞ-İsrail ikitərəfli münasibətləri, İran kimi ortaq problemlər və İsrail ilə Fələstin arasında gərginliyin azaldılması səylərini müzakirə edib.

Aznews.az xəbər verir ki, ABŞ prezidenti Co Bayden və İsrailin baş naziri Benyamin Netanyahu arasında mətbuatda gedən polemikadan sonra xarici işlər nazirinin müavini Vedant Patel Blinkenin Koenlə telefonla danışdığını açıqlayıb.

Vedant Patel qeyd edib ki, iki nazir ABŞ-İsrail arasında davam edən ikitərəfli münasibətlərin əhəmiyyətini bir daha təsdiqləyib və İran kimi birgə çağırışları və İsrailin regional inteqrasiyasını inkişaf etdirmək səylərini müzakirə ediblər .

"Nazir Blinken ABŞ-ın iki dövlətli həll yoluna davamlı sadiqliyini təkrarladı, Aqaba və Şarm-əş-Şeyxdə danışıqlar yolu ilə israillilər və fələstinlilər arasında gərginliyin azaldılması səylərini alqışladı və gərginliyi artıran birtərəfli hərəkətlərdən çəkinməyin vacibliyini vurğuladı" -deyə Vedant Patel qeyd edib.

Mövsüm