Bəxtiyar Aslanbəyli III Çarlz tərəfindən mükafata layiq görüldü

BP-nin Xəzər regionu üzrə vitse-prezidenti Bəxtiyar Aslanbəyli III Çarlz tərəfindən Britaniya İmperiyası Ordeninin “Birləşmiş Krallığın Britaniya İmperiyası Ən Əla Ordeninin fəxri Zabiti” (OBE) adına layiq görülüb.

Aznews.az xəbər verir ki, OBE fəxri titulu cənab Aslanbəyliyə Böyük Britaniya–Azərbaycan münasibətlərinə verdiyi mühüm töhfələrə görə təqdim olunub. Təltif qərarı Əlahəzrət Kral III Çarlz tərəfindən verilib.

Qeyd edək ki, Bəxtiyar Aslanbəyli bu nüfuzlu Britaniya dövlət fəxri tituluna layiq görülən ilk Azərbaycan vətəndaşıdır.

Cənab Aslanbəylini yüksək mükafata layiq görülməsi münasibətilə təbrik edir, gələcək fəaliyyətində yeni nailiyyətlər və davamlı uğurlar arzulayırıq.