İranda son 3 ayda Krım-Konqo qızdırmasından 3 nəfər ölüb

İranda son 3 ayda Krım-Konqo hemorragik qızdırması xəstəliyindən 3 nəfər dünyasını dəyişib.

AzNews.az xəbər verir ki, bu barədə İran Səhiyyə Nazirliyinin insanlar və heyvanlar arasında keçən xəstəliklərlə mübarizə şöbəsinin müdiri Dr. Məhəmməd Rza Şirzadi bağlı məlumat verib.

"Son 3 ayda 28 adam xəstəliyə yoluxub. Bu xəstələrdən 3-ü dünyasını dəyişib", - Şirzadi deyib.

Xəstəliyin əlamətləri arasında qızdırma, baş ağrısı və mədə-bağırsaq simptomlarının olduğunu qeyd edən Şirzadi, gənə ilə ötürülən xəstəliyin heyvanlardan da keçə biləcəyini xatırladıb.

İran rəsmisi tövlə heyvanlarının ətinin istehlakdan əvvəl 24 saat 4 dərəcə istilikdə saxlanılmalı olduğunu vurğulayıb.