Azərbaycanın və İsrailin NATO-dakı səfirləri görüşüb

Azərbaycanın NATO-dakı nümayəndəliyinin rəhbəri Cəfər Hüseynzadə İsrailin Avropa İttifaqı (Aİ) və NATO-dakı səfiri Haim Regevlə görüşüb.

Aznews.az xəbər verir ki, bu barədə Cəfər Hüseynzadə "Twitter"də bildirib.

"İsrailin Aİ və NATO-dakı səfiri Haim Regevi Azərbaycanın NATO-dakı Nümayəndəliyində salamlamaqdan çox məmnun oldum. Biz NATO tərəfdaşlığı, regiondakı vəziyyəti və qarşılıqlı maraq doğuran digər məsələləri müzakirə etdik. Biz Azərbaycanın İsraildə səfirliyinin açılmasını yüksək qiymətləndiririk", - deyə azərbaycanlı diplomat bildirib.