Bu il Azərbaycanda 41 nəfəri ilan sancıb

"Bu ilin 6 ayında dərmanla 241, dəm qazı ilə 133, kəskin allergik reaksiyalarla 67, sirkə turşusu ilə 52, spirtli içkilərdən zəhərlənən 56 nəfər, ümumilikdə isə 565 müraciət Kliniki Tibbi Mərkəzinin Toksikologiya şöbəsinə daxil olub".

AzNews.az xəbər verir ki, bunu Səhiyyə Nazirliyinin Kliniki Tibbi Mərkəzinin Toksikologiya şöbəsinin müdiri Azər Maqsudov keçirdiyi mətbuat konfransında deyib.

Azər Maqsudov ilan sancmasından 41, əqrəb sancmasından isə 3 nəfərin müraciət etdiyini bildirib. O, bu rəqəmin ötən illə müqayisədə az olduğunu qeyd edib.